منتديات إبـــــداع


    سر الحياة والموت

    شاطر

    الشرقاوي
    مبدع مجتهد
    مبدع مجتهد

    ذكر عدد الرسائل : 75
    العمر : 65
    تاريخ التسجيل : 29/10/2008

    سر الحياة والموت

    مُساهمة من طرف الشرقاوي في الخميس أكتوبر 30, 2008 11:21 pm

    سر الحياة والموت

    انا كنت تايه من زمن لكـِّني فجـأة وجـدت نفسي

    أتاريني ذرة في الفضا بتلـف ومسيرهــا حترسي

    سر الحياة والموت سوا ذاكـرتهم وحفظـت درسي

    دنيا تشوف فيها العجب الجــن متلخــبط في إنـســي

    قابلت ناس مالهاش عدد وعـشـقــت أحــزاني وأُنـسي

    فيه ناس تِليِّن في الحجر وغــيرها في اللـــَّيـِن يِـِقـَسِّي

    وناس تموت علشان وطن وناس تموت من أجل كرسي

    وناس بتبكي في الحرم وغيرها في الملهي يمـسِّي
    وكــله عــدي واتنسي وأنا زي غيري حابقي منسي

    يعني يدوب لفة كفن يبــقي عـلي إيه التـَّأَســِّي

    النفس امارة بسوء افهم وقول يانفس تخسي
    واعمل ليوم مافيه عمل عريان ياللي بالدنيا مكسي
    يارب من ذنبي بكيت وخجلت من خطئي وبؤسي

      الوقت/التاريخ الآن هو الثلاثاء أغسطس 14, 2018 3:53 pm